Adriaen Cornelis Joosten heeft wettelijck ende erffelijck
vercocht ende midtsdesen overgegeven ende opgedragen aen Peter sone Daniel
Cornelis Mutsaerts, een parcheel saeijlant seven quartier ofte daer ontrent
begrijpende, nochtans soo groot ende cleijnals t selve gelegen is aen de
Postelstraet binnen de parochie van Tilborch, onder den hertganck vande
Stockhasselt, aldaer tusschen erffenisse Jan Cornelis de Beer aen d'eene sijde
noortwaerts ende Peter Anthonis Everts aen d'ander sijde suijtwaerts ende oock
aen d'een eijnde, oostwaerts, ende streckende metten anderen eijnde aende
gemeijne strate, alsoo hij seijde, ende heeft daerop etc., gelovende etc., ende
allen commer etc., pro ut in forma, vuijtgenomen dat de cooper hier vuijt gelden
ende betaelen sal aen Luijcas van Ameroijen eenen chijns van eenen halven
stuijver jaerlijcx op St. Deonijs dach, sonder argelist, actum et scabini ut
supra (den xvi febr 1652, scabini Stakenborch et relatu
Stockum).