Adriaen soone wijlen Adriaens Geraert Huijben allen sijn
versterff, recht, ende aenpart hem competerende in een huijs metter aenstede,
gecomen ende op hem gedevolveert vanden voirs wijlen sijnen vader, groot dese
aenstede seven loopensaeten oft daer ontrent, nochtans etc. als die gelegen,
ende voirs huijsinge gestaen is binnen de prochie van Tilborch ter plaetse
genoemt aen het Creijven aldaer, tusschen erffenisse eertijts Peter Jacobs, nu
der weduwe Cornelis Thuenen aen deen sijde, ende tusschen erffenisse Anthonis
Adriaen Gerart Huijben sijns broeders aen dander sijde, streckende vande
erffenisse Daniel Bastiaens, tot aende gemeijne straete, soo hij seijde, heeft
hij midts desen wettelijcken, ende erffelijcken opgedraegen ende overgegeven,
den voers Anthonis sijnen broeder, met affgaen, ende verthijen inne manieren
inne dijen gewoonlijck sijnde, gelovende die voors Adriaen super se etc. dit
opdraegen etc. altijt vast, stedich, ende van weerden te houden, sonder ennich
tegenseggen, des gelooff die voors Anthonis op gelijcke verbintenisse, den voors
Adriaen aff te draegen, allen schulden, renten, chijnsen, ende pachtien, soo van
outs als andersints, die tot laste van dese goeden eenichsints souden mogen
gerijsen off gepretendeert werden, als bekennende aende voors sijnen broeder,
ter saecke deses te hebben gelooft van alles vrij gelt, sonder argelist, datum
viii augustij 1645, scabini Baerdwijck et Geritss.