Adriaen zoene Cornelis Adriaen Somers een huijs hoff
metten gronde ende erffenisse daeraen liggende ende daertoe behoirende een
loopensaet ende drije roijen of daerontrent begrijpende nochtans alsoo groot
ende cleijn als t selve affgepaelt is liggende binnen der prochie van
Tilborch ter plaetse geheijten aen t Creijenven aldaer tusschen erffenisse
Cornelis zijns broeder deen sijde ende tusschen de gemeijn strate van t
Creijenven dander zijde streckende vande gemeijnen voetpadt totter erffenisse
der kijnderen Marten Dierck Martens ut dicebat legitime (zo hij zeide heeft
wettelijk) etc. Danielen zoene wijlen Joachim Danielssoon met affgaen etc.
warandiam (te waren) etc. ende dit vercoopen etc. ende allen commer etc.
vuijtgenomen dat den vs. Daniel hier vuijt zal gelden xxxv st tsiaerlijcx aende
provisoren der Taeffelen des Heijligen Geest van Tilborch te betaelen welcke
xxxv st .... coopere aen sijne cooppenningen sal moghen cortten de somme van xxv
gulden eens daertoe sal de cooper de voetpat moeten onderhouden naer oude
gewoonten datum viii novembris 1623 scabini Gilze et Brock.
Die voirschreven vercooper tseste
gedeelte onbedeijlt naer doode Cornelis sijns vaders te vervallen in allen ende
ijegelijcken de erffelijcke goeden waer of tot wat plaetse dieselve geleghen
zijn mitsgaders alsulcke twee seste gedeelten als hij van Peeteren ende
Bernarden zijne broederen soenen Cornelis Adriaen Somers in erffcoopen vercregen
heeft oijck vande erffelijcke goeden naer doode van hunnen vader te vervallen
waer tusschen wijens of tot wat plaetse dieselve alsnu gelegen sijn ende naer
doode van sijns vs. vader bevonden sullen moghen worden egeene daeraff
vuijtgescheijden, Alsoo hij seijde legittime (heeft wettelijk) etc. Adriaenen
zoenen Gerit Huijbert Danielss als man ende momboir Marie zijne huijsvrouwe
dochtere Cornelis Adriaen Somers sijns swager gelovende super se et bona (op
zich en zijn goederen) dit vercoopen etc. ende allen commer etc. des sal
die vs cooper hier vuijt gelden de somme van tnegentich gulden eens metten
intereste van dijen jaerlijcx aen Joachum ... te betaelen, des consenteert die
vs cooper dat de vercooper dese versterffenisse sal mogen lossen binnen
vijff jaren naer date van desen metten vs tnegentich gulden metten intereste van
dijen die .... betaelt zoude moghen hebben, Item hier is bijgestaen die vs
Cornelis ende heeft tot verseeckeringe in desen in tgene vs staet sijn tocht
affgegaen ... gedaen wesen soo heeft Adriaen sijn soon hem wederom inde selve
tochte gestelt als hij te voren geweest is datum et scabini ut
supra.