Cornelis sone Peter Jan Stevenssoon ende Goijart sone
Willem Janssoon Vermee als man ende momboir Jennekens sijnre huijsvrouw oock
dochtere Peeters voirschreven welcke kijnderen dieselve Peeter vuijt wijlen
Geritkens sijnre huijsvrouwe dochter wijlen Antonis Gerit Hermans wettelijck
verweckt vercregen hadde int bijwese desselfs Peters ... inne soo veele sijn
tocht aengaet heeft geconsenteert elck een seste gedeelte ombedeijlt in
alle ende ijegelijcke de erffelijcken goeden van ende naer doode des
voirschreven Peeters te vervallen mitsgaders de gene die mits afflijvicheijt die
vs Geritken alreets vervalen waer off tot wat plaetschen deselve gelegen sijn of
namaels bevonden sullen mogen worden tware in hardden in weecken in hoogen in
droogen in diepen in legen egeene daeraff vuijtgescheijden ut dicebant legitime
(zoals zij zeiden hebben wettelijk) etc. Jannen sone Peeters ende Geritkens
voirschreven ende Peeteren sone Jan Janssoon Stevens als man ende momboir Eva
sijnre huijsvrouwe dochtere Peeters ende Geritkens voirgenoemd met affgaen etc.
... etc. ende allen commer etc. welcke aldus gedaen sijnde soo hebben die vs
Cornelis ende Goijart die voirn. Peeteren hunnen vader ende sweer wederomme in
sijne tocht gestelt en geconsenteert dat hij die selve sal genieten gelijck hij
voir date van desen genoten ende geprouffiteert heeft datum iii novembris 1622 scabini
Graeff et Brock.