Cornelis soone Willem Henrick Smolders als man ende
momboir Jenneken sijnder huijsvrouw ende Gijsbrecht soone wijlen Cornelis
Reijnen van Loon als man ende momboir Adriana sijnder huijsvrouw gesusteren
dochteren Sebastiaen Daniel Gerit Hermans daer moeder aff was Henrixken dochter
Embrecht Jan Meeussoon alle het versterff ende recht van versterven wesende twee
seste gedeelten inde erffelijcke goeden op hen na doode wijlen Embert Jan
Meeussoon hunder huijsvrou grootvader vervallen waer tusschen wijens ofte tot
wat plaetssen deselve geleghen sijn of namaels bevonden sullen worden, tzij in
harden in weken in hooghen in droogen, in diepen in leghen alsoo sij seijden,
hebben sij wettelijck ende erffelijck vercocht overgegeven ende opgedraghen
Danielen soone Sebastiaens en Henrixken boven geschreven hunnen zwager met
affgaen ende verthijen, als dat gewoonlijck ende recht is, ende hebben gelooft
de voors Cornelis ende Gijsbrecht vercoperen hun selven ende op alle hunne
goeden hebbende ende vercrijgende dit vercopen overgeven opdragen ende verthijen
voors altijt vast ende stendich te houden ende in hennen name en qualiteijt als
voor te doen houden sonder ennich wederseggen ende alle commer ofte calangie van
hunnen twegen daerop comende altemael aff te doen denselven datum xxix decembris
scabini Vet et
Borchmans.