Kennelijck zij eenen ijegelijcken dat voor ons schepenen
onder gescreven is gecompareert Lijsbeth dochter wijlen Peeter Ghoijart Pulskens
ende nagelaten weduwe wijlen Peeter Denijs Jan Reijnen cum tutore ende heeft all
tocht recht ende actie van tochten dwelck zij hebbende was in alle den
erffelijcke goeden daervuijt de voirscreven wijlen Peeter hare man verstorven
was ende zij tot noch toe beseten heeft wettelijck ende erffelijck overgegeven
Jacobben ende Judith haren wettigen kijnderen, Pauwelsen soone wijlen Joost
Pauwels Cornelissoon als man ende momboir Jennekens sijnder huijsvrouwe,
Peeteren soone wijlen Cornelis Henrick sBeren als man ende momboir Mechtelt
sijnder huijsvrouwe, Adriaenen soone Jan Claes Henrick Smolders als man ende
momboir Marije sijnder huijsvrouwe ende Wouteren soone Jan Jan Vrancken als man
ende momboir Denijsken sijnder huijsvrouwe, gesusteren dochteren wijlen Peeter
Denijs ende haer Lijsbeth voirscreven met affgaen etc. ende heeft gelooft
deselve Lijsbeth super se etc. dit overgeven etc. ende nimmermeer van tochten
weghen hierop etc. ende alle commer oft calangie van tochten etc.
vuijtgenomen dat die voirscreven Lijsbeth haer leven lanck sal blijven besitten
een stuck saijlants geheijten den Crommenacker ende Cortenacker tsamen vier
lopensaet ende sesthien roijen oft daeromtrent begrijpende gelegen binnen der
prochie van Tilborch ter plaetsen geheijten aende Heijzijde aldaer tusschen
erffenisse Jan Jan Willems Verschueren de jonghe aen beijde zijden, streckende
vande erffenisse Joost Meeus Janssoon tot eenen gemeijnen ackerwech aldaer, Ende
noch drije stucken beempden soo groot ende cleijn als deselve respective gelegen
sijn onder Tilborch aen Jacobs Hoecxken, ende onder Ghilze over de
Lantscheijdinge ende inde Broexkens, Noch sal die moeder jaerlijcx houden haer
wooninge inden huijse ende eenen stoel inden haerdt, ende want zij op ... ander
begheert te woonen, sullen Jacob, Peeter ende Pauwels voirs haer jaerlijcx
vuijtreijcken dertich st haer leven lanck noch sal de voirscreven weduwe haren
leven gedurende houden tgebruijck vanden lancxten palboom staende aenden ashoop,
sonder argelist datum xxx januarij 1599 scabini Brock et Borchmans.