Kennelijck zij eenen
ijegelijcken dat voor ons schepenen onder gescreven sijn gecomen ende
gecompareert in henne propre persoonen Jan, Adriaen ende Wouter gebroederen
soonen wijlen Jan Jan Vranck Lemmens ende Daniel Adriaen Mudtsaerts als man
ende momboir Aleijdt sijner huijsvrouwe dochtere wijlen Jan Jan Vrancken voirs
daer moeder aff was Joostken dochter wijlen Jan Wouter Gheridtssoon ende
hebben vanden erfflijcken goeden op hen luijden na doode vanden voirs
Jannen ende Joostkens hennen vader ende moeder vervallen een erffscheijdinghe
ende deijlinghe gemaeckt in vueghen ende manieren
hiernae beschreven volgende
Overmits der welcker soo is
den voirscreven Jannen te deele gevallen ende sal hebben houen ende erffelijck
voor sijne portie besitten een stuck saijlants drije lopensaet ende xii 1/2
roijen oft daeromtrent begrijpende nochtans etc. Tilborch ter plaetsen geheijten
aende Postelstraet aldaer tusschen erffenisse Adriaens sijns broeders dat hier
tegens gedeijlt is deen zijde ende tusschen erffenisse Wouter sijns broeders
hier tegens insgelijcx gedeijlt dander zijde, streckende vande erffenisse Daniel
Adriaen Cornelis Mudtsaars hem bij dese scheijdinge in deele gevallen totter
voirs Postelstraet, noch een stuck heijvelts twee lopensaet ende xii 1/2 roijen
oft daeromtrent begruijpende nochtans alsoo etc. binnen de prochie ende plaetse
voirscreven aldaer tusschen erffenisse Adriaens sijns broeders hier tegens
gedeijlt deen zijde, ende tusschen erffenisse Wouters sijns broeders oijck hier
tegens gedeijlt dander zijde ende oijck deen eijnde, hodende metten anderen
eijnde aende ghemeijnt van Tilborch ende Ghoirl, ende noch een stuck heijvelts
twee lopensaet min seven roijen oft daeromtrent begrijpende nochtans etc. binnen
der prochie ende plaetse voirs aldaer tusschen erffenisse Adriaens sijns
broeders hier tegens gedeijlt deen zijde, ende tusschen erffenisse Wouters sijns
broeders oijck hier tegens gedeijlt dander zijde, streckende vande erffenisse
Joachim Daniel Gheridt Hermans totter ghemeijnte van Tilborch voirs Op welke
erffenisse boven gescreven die boven genoemde Adriaen Wouter ende Daniel
volcomentlijck hebben vertegen tot behoeff van Jannen hennen broeder
ende swager voirs met overgeven etc. ende hebben gelooft super se et bona
dit overgeven etc .altijt vast etc. ende alle commer oft calangie etc.
vuijtgenomen dat die voirs Jan hier vuijt sal ghelden den interest vuijt
tvierendeel van veertich gulden eens, daeraff men drije .... is te betalen aen
Pieter Gheridt Reijn, noch tvierendeel vanden interest van sesthien gulden int
capitael aen Jan Joost Wijtmans te betalen, noch tvierendeel in ii 1/2 stuijvers
tsiaers gewinchijns aenden Hertogh van Brabant op St Thomas dach tot Oisterwijck
te betalen ende voirts alle schauwen ende waterlaeten egen ende steghen te
onderhouden soo dese erffenisse daerinne gehouden mochten wesen, ende ...
Wouteren sijnen broeder te weghen tot eenen stuck saijlants hem bij iersten te
deel gevallen, gelegen beneffens derffenisse Jans voirscreven wel verstaende oft
den voirs Jannen op dit sijn gedeelte ennighen commer hijnder of last quame met
regt meer dan boven genoempt staet dat etc. dwelck zij deen den ander etc. datum xxx octobris 1596 scabini Vet et Borchmans
Hiertegens soo is den voirscreven Adriaenen in deel
die helft vande huijse van achter mette helft vanden solder voor inne thuijs
daer Jan de vader vuijt verstorven is, mette erffenisse daertoe behoirende drije
lopensaet oft daeromtrent begrijpende nochtans etc. Tilborch ter plaetse
geheijten aende Postelstraet aldaer tusschen erffenisse Daniel Adriaen Cornelis
Mudtsarts hier tegens gedeijlt deen zijde, ende tusschen erffenisse Jans sijns
broeders dander zijde, streckende vande erffenisse Adriaens voirs hem bij
iersten oijck in deel gevallen totter voirs Postelstrate, daer den waterlaet
tusschen beijde is loopende, Ende noch een stuck heijvelts twee lopensaet ende
xii 1/2 roijen oft daeromtrent begrijpende nochtans alsoo groot etc. binnen der
prochie ende plaetse voirs aldaer tusschen erffenisse Peeter Adriaen Cornelis
Hermans deen zijde ende tusschen erffenisse Jans sijns broeders dat
hier tegens gedeijlt is dander zijde, streckende vande erffenisse Daniel Adriaen
Cornelis Mudtsarts totter gemeijnt aldaer, Ende noch een stuckxken heijvelts
twee lopensaet min vi roijen oft daeromtrent begrijpende nochtans etc. binnen
der prochie ende plaetse voirs aldaer tusschen erffenisse Wouter sijns broeders
dat hier tegens gedeijlt is deen zijde, ende tusschen erffenisse Jans sijns
broeders dander zijde, streckende vande erffenisse Joachim Daniel Gheridt
Hermans totter ghemeijnt aldaer ut dicebant (zoals zij zeiden) Op welcke helft
vande huijse metten solder ende andere erffenisse boven gescreven die ander
deijlluijden volcomentlijck hebben vertegen ten behoeff van Adriaenen hennen
broeder ende swager voirs met overgeven etc. ende hebben gelooft Jan Wouter ende
Daniel voirs super se etc. dit overgeven etc. ende alle commer etc. vuijtgenomen
dat die voirs Adriaen hier vuijt sal verghelden acht lopen rogghen tsiaers
erffpachts vuijt eenen pacht van seventhien lopen rogghen tsiaers aen Cornelis
Paeter Nouwen tot Hilvarenbeeke te voldoen volgende den brieven daeraff sijnde,
noch tvierens vande interest vande veertich guldens, noch tvierendeel
vande sesthien gulden ende tvierendeel vande chijns inden voirgaende brieff
begrepen te vergelden, ende daertoe Jannen sijns broeder te weghen tot een stuck
heijvelts gelegen bijde erffenisse Adriaens voirs, ende daertoe noch tot een
stuck saijlants van drije lopensaet Jannen bij iersten te deele gevallen, ende
voirts alle schauwen ende waterlaeten, weghen ende steghen te onderhouden soo
etc. wel verstaende etc. datum et scabini ut supra
Hiertegens is den voirscreven Wouteren te deel gevallen
ende sal hebben etc. een stuck saijlants twee lopensaet min xii 1/2 roijen oft
daeromtrent begrijpende nochtans etc. Tilborch ter plaetse geheijten aende
Postelstraet aldaer tusschen erffenisse Adriaens sijns broeders dat hier
tegens gedeijlt is deen zijde ende tusschen erffenisse Daniel Adriaen Cornelis
Mudtsarts dander zijde, ende oijck deen eijnde, hodende metten anderen eijnde
aen erffenisse Jans sijns broeders, Noch een suck heijvelts twee lopensaet min
vijff roijen oft daeromtrent begrijpende nochtans etc. binnen der prochie ende
plaetse voirscreven aldaer tusschen erffenisse Jans sijns broeders deen zijde
ende tusschen erffenisse Daniel Adriaen Cornelis Mudtsarts dander zijde,
streckende vande erffenisse Joachim Daniel Gheridt Hermans totter ghemeijnte
aldaer, ende noch een stuck saijlants drije lopensaet ende xii 1/2 roijen of
daeromtrent begrijpende nochtans etc. binnen der prochie ende plaetse voirs
aldaer tusschen erffenisse Adriaen Adam Cornelis Sijmons deen zijde, ende
tusschen erffenisse Jan sijns broeders dander zijde, streckende vande
erffenisse Joachim Daniel Gheridt Hermans totter gemeijnen strate ut dicebant
(zoals zij zeiden) Op welcke parchelen van erffenisse boven gescreven die ander
etc. ten behoeff van Wouteren voir gescreven met overgeven etc. ende hebben
gelooft etc. ende alle commer oft calangie etc. vuijtgenomen dat die voirs
Wouter Danielen Adriaen Cornelis Mudtsarts tot sijnen erffenisse hem bij deser
deijlinge in deel gevallen met behemelde beesten soo als regt is noch
tvierendeel vande interest inne veertich gulden, inne sesthien gulden, ende den
chijns voirscreven et ... prout in literis, ende voirts alle schauwen etc. wel
verstaende etc. datum et scabini ut supra
Hiertegens soo is den voirscreven Danielen Adriaen Cornelis
Mudtsarts als man ende momboir Aleijdt sijnen huijsvrouwe te deel gevallen ende
sal hebben houen ende erffelijck voor sijne portie besitten die helft vanden
huijse voor, mette helft vande solder daeruijt Jan Jan Vrancken verstorven is
metter erffenisse daeraen liggende twee lopensaet mette mate oft daeromtrent
begrijpende nochtans alsoo groot etc. Tilborch ter plaetsen geheijten aende
Postelstraet aldaer tusschen erffenisse Peeter Adriaen Cornelis Hermans deen
zijde, ende tusschen erffenisse Adriaen Jan Vrancken dander
zijde, streckende vande ander erffenisse hem Danielen bij dese oijck in
deel gevallen totter voirs Postelstrate, Noch een stuckxken saijlants een
lopensaet ende iii 1/2 roijen oft daeromtrent etc. nochtans etc. binnen der
prochie ende plaetse voirs aldaer tusschen erffenisse Adriaens voirs deen zijde,
ende tusschen erffenisse Wouter Jan Vrancken ende sijns Daniels voirs dander
zijde, streckende vande erffenisse Adriaens voirs totter erffenisse Adriaen Jan
Vrancken, Noch een stuck heijvelts twee lopensaet min eenvierdevaetsaet oft
daeromtrent begrijpende nochtans etc. binnen der prochie ende plaetse voirs
aldaer tusschen erffenisse Peeter Adriaen Cornelis Hermans deen zijde, ende
tusschen erffenisse Wouter Jan Jan Vrancken dander zijde, streckende vande
erffenisse sijns Daniels totter erffenisse Adriaenen Jan Vrancken dicwels voirs,
Noch een stuck erffs tot weije liggende een lopensaet oft daeromtrent
begrijpende nochtans etc. binnen der prochie ende plaetse voirscreven aldaer
tusschen erffenisse Sijmon Peeter Jan Reijnen deen zijde ende tusschen
erffenisse Adriaen Jan Vrancken dander zijde, streckende vande erffenisse
Daniels voirs totter erffenisse Jan Jan Vrancken, ende noch een stuck heijvelts
twee lopensaet min vijff roijen oft daeromtrent etc. binnen der prochie ende
plaetse voirs aldaer tusschen erffenisse Wouters Jan Vrancken deen zijde,
ende tusschen erffenisse die ghemeijnt aldaer dander zijde ende deen eijnde,
hodende metten anderen eijnde aende erffenisse Joachim Daniel Gheridt Hermans ut
dicebant (zoals zij zeiden) Op welcke halff huijs, solder mette erffenisse
bovengescreven die ander deijlluijden volcomentlijck etc. tot behoeff van
Danielen Adriaen Cornelis Mudtsarts voirs met overgeven etc. ende hebben gelooft
Jan Adriaen ende Wouter voirs op hen selven etc. dit overgeven etc. ende alle
commer etc. vuijtgenomen dat die voirs Daniel hier vuijt sal ghelden neghen
lopen rogghen tsiaers erffpachts vuijt eenen pacht van seventhien lopen rogghen
aen Cornelis Peeter Nouwen tot Hilvarenbeke volgende de brieven, noch
tvierendeel vande interest inne veertich Carolus gulden ende sesthien stuijvers,
mette ii 1/2 stuijver tsiaers gewinchijns ut supra, Noch te weghen ende steghen
met behemelde beesten soo als regt over twee stuck erffs tot weije liggende,
Jannen ende Wouteren tot henne andere erffenisse teijnde ende bezijen deselve
weije liggende, Noch over een stuck heijvelts te weghen als boven Adriaen ende
Jan sijn swagers tot een stuck heijvelts int geheel iii 1/2 lopensaet
begrijpende elcken van hen voorde helft toebehoirende hier teijnde aenliggende,
ende voirts alle schauwen waterlaten weghen ende steghen te onderhouden soo etc.
wel verstaende etc. mutatis mutantes datum et scabini ut
supra.