Willem soen wilner (wijlen) Gerit Vendicx als man ende
momboir Henricxken zijnder huijsvrouwen dochter wilner (wijlen) Henricx soen
wijlen Jans van Ghierll een stuck weijen iiii lopensaet off daer ontrent
begrijpende nochtans alsoo groot ende alsoo cleijn als tzelve gelegen is binnen
der prochie van Tilborch ter plaetsse geheijten aende Hasselt aldaer tusschen
der erffenisse Herman Cornelis Gerit Hermanss deen zijde ende tusschen der
erffenisse Thobias Wouter Janss dander zijde ende met meer anderen oock deen
eijnde streckende metten anderen eijnde aende gemeijn straet daer nochtans eenen
gemeijnen waterlaet doer is loopende zoo hij seijde legitime et hereditarie
vendidit et supportavit (heeft wettelijk en erfelijk verkocht en overgegeven)
Hermannen soen wilner (wijlen) Cornelis Gerit Hermanss voorn. met affgaen ende
verthijen etc. warandiam (te waren) vuijtgenomen dat de voirs Herman sheeren
schouwe vanden voirs waterlaet sall onderhouden soomen dijen van ouden
tijde schuldich is ende behoort tonderhouden gelovende voorts dit vercopen
etc. alle anderen commer ende calangie daer meer op comende altemael aff te doen
den zelven datum xxx augustij scabini Ghierll et Buerden.