Aleijt weduwe wilner (wijlen) Gherit Jan Maes Gherits
alle alsulcke tocht en recht van tochten als sij was blijven besitten van ende
nae de doot van wilner (wijlen) Gherit Jan Maes Gherits haer wittigen man doen
hij leefden in een huijs hoff gront ende erffe daer aen liggende ende daer toe
behorende xiii loepensaet vel circiter (of daar omtrent) begrijpende gelegen
inde parochie van Tilborch ter plaetsen geheijten aent Creijven tussen erffe die
weduwe Jan Sijmons cum pueris (met haar kinderen) deen sij, ende tussen erffe
Sijmon Jan Sijmons dander sij, hodende metten eenen eijnde aen erffe de
kijnderen Gherit Jan Meeus ende metten anderen eijnde op die ghemeijn straet
aldaer Item noch in xxiiii loepensaet lants vel circiter (of daar omtrent)
begrijpende gelegen inder parochie voers ende ter plaetsen voers over die straet
tussen erffe Jan Sijmons deen sij, ende tussen erffe die weduwe Aerts van
Riel cum alijs (met anderen) dander sij, hodende vande erffe Vranck Gherit
Lemmens totte gemeijnder straten toe, Item noch in een stuck heijveldts sees
loepensaet vel circiter (of daar omtrent) begrijpende gelegen inde parochie
voers ende ter plaetsen voers geheijten aen die Vest tussen erfffenis Gherit
Reijnen deen sij, ende die ghemeijnt van Tilborch dander sij, hodende metten
eenen eijnde aen erffe Henrick Cornelis Appels ende metten anderen
eijnde aen die ghemeijn straet aldaer ... alsoe sij zede, heeft sij
wittelijcken ende erffelijcken overgegeven ende opghedragen Jannen Peteren
gebruederes Daneelen soen wilner (wijlen) Jan Reijnen als man ende momboir
Jenneken sijnre huijsvrouwen Bertolt soen wilner (wijlen) Willem Zegers als man
ende momboir Ida sijnre huijsvrouwen, Willem soen Jan
Claes Ceelen soen als man ende momboir Elijzabetten sijnre
huijsvrouwen, kijnderen altesamen wilner (wijlen) Gherit Jan Maes Ghenen ende
noch Janne Gherit Jan Maes Ghenen soen voers als gerechte voecht ende momboir
ende Peter Jan Merten Gijelis Backs soen als toesijender der onmondiche
kijnderen Cornelis soen wilner (wijlen) Gherit Jan Maes Ghenen soen te weten
Gherit ende Jan noch onmondige kijnderen wilner (wijlen) Cornelis Jan Maes
Ghenen soen die die selve Cornelis voers verweckt ende vercregen hadde in eenen
wittigen bedde bij wilner (wijlen) Elijzabetten sijn wittige huijsvrou doen sij
leefde dochter Jan Merten Gijelis Backs soen, ende heeft geloeft Aleijt weduwe
voers als een principael sculdersse op dese goeden voers ende voert op alle
erffe goeden soe waer sij gelegen sijn in hoge in lege in diepen off in drogen
of soe waer die in haer naem bevinden sal moegen soe sij zede ende op
allen haer goeden daer sij Aleijt voers nu heeft ende naemaels hebben ende
vercreijgen mach dit op dragen overgeven affgaen ende vertijen altijt vast ende
stendich te houden ende in haer naem te doen houden sonder eenijch wedersegge
ende nimmermeer van haere tochten wege daer op te spreken off te doen spreken
met eghene hande recht gheestelijck noch waerlijck sonder arch ofte lijst
datum den xxix september scabini Vet ende Joest.