Jan soen wilner (wijlen) Peter Ansems een huijs hoff met
sijne gronde ende erffe daer aen liggende ende daer toe behorende twe lopensaet
vel circiter (of daar omtrent) begrijpende gelegen inde parochie van Tilborch
ter plaetse geheijten aen die Heijsijde tussen erffe Jan Jan Mutzaerts aen die
een sijde ende dat een eijnde, ende tusse erffe Ariaen Cornelis Hermans aen die
ander sijde, hodende metten anderen eijnde aen die gemeijne straet, aldaer Item
noch drije loepensaet lants gelegen inde parochie van Tilborch ter plaetse
geheijten dat Creijven tussen erffe Jan Jan Mutzaerts aen die een sijde ende dat
een eijnde, ende tussen erffe Jan Wouter Gherits aen die ander sijde, hodende
metten anderen eijnde op die gemeijn straet als hij zede, welcke huijs hoff
mette twee lopensaet landts voers Jannen soen wilner (wijlen) Peter Ansems
aencomen ende verstorven is Peter Ansems sijne vader ende Engelberen sijne
moeder, gelijck dit altesamen in scepenen brijeve van den Bosch ende scepenen
deijlbrijeven van Tilborch daer op gemaeckt volcomelijcken begrepen staet, ende
die drie lopensaet landtsvoers die selve Jan Peter Ansems voers vercregen ende
gecocht hadde van Jan zoen Jan Zomers soen gelijck dat in eenen scepenen
brijef van Tilborch daer op gemaeckt volcomelijcken begrepen staet,
supportavit (heeft overgegeven) Claessen zoen Jan Peter Ansems simul cum omnibus
literis et iure (samen met alle brieven en het recht), mensie daer aff makende
offte gewach doende helmelinge daer op vertegen gelijck als ghewonelijcke en
recht is, ende heeft geloeft Jan vercoeper voers als een principael sculder
super se et bona sua (op zich en zijn goederen) dit opdragen overgeven affgaen
ende vertijen altijt vast ende stendich te houden en in sijnen naem te doen
houden sonder eenich wederseggen ende allen commer ende calangien daer in
wesende altemael van sijne wegen aff te doen den selven dempto (behalve) dat
Claes voers daer uit jaerlijcks sal gelden ende betalen xi loepen rogge
erffpachs tot Oesterwijck te leveren noch eenen halven brasspenninck ...
erffschijns te ... te gelden aen Lucas van Amerzoeijen op Sint Dionijs dach,
Item noch den heer van Tilborch op Sinte Stevens dach ... vier penningen
erffchijns Item noch ut moris est (zoals gebruikelijk is) Jan Peter Ansems ende
Gerits sijn huijsvrou beijde hun leven lanck indie camer aen desen huijse
staende wonen sullen datum xxi octobre scabini Zwijsen en Bont.