Condt sij eenen jegelijcken dat gecomen is voer ons
scepenen ondergescreven Goeijaert soen Willem Vincks ut maritus et tutore (als
man en voogd) Jenneke sue uxoris (zijn vrouw) dochter Jan Jan Mutzaerts soen die
hij Jan voers verweckt ende vercregen hadde in eenen wittigen bedde bij Aleijt
dochter Eelen Peter Eelkens sijn wittige huijsvrouw ende heeft geleden ende
bekent hem vernuecht ende wael betaelt van die een helft vijff mudden roggen
jaerlijcken ende erffelijcken pacht die welcke Jan Jan Mutzaerts voers geloeft
hadde jaerlijcks ende erffelijck te vergelden op Onser Lieve Vrouwe dach
Lichtmisse waer aff den iersten betaeldagh verschijnen ende vervallen soude den
iersten Lichtmisse naeder doot van Janne Jan Mutzaerts voers uit ende van eenen
huijs hoff met sijne gronde ende toebehoerte ende mette erffenis daer aen
liggende ende anderhalff mudtsaet (24 lopensaet) vel circiter (of daar omtrent)
begrijpende gelegen inder parochie van Tilborch teijnde aent Creijven tussen
erffenis Gerit Jan Reijnen soen cum pueris (met zijn kinderen) aen die een
sijde, ende tussen erffe Jan Jan Somers ende Embrecht Eelen dander sijde,
hodende voer op die gemeijne straet Item noch uit ende van enen jegelijcken
sijne erffelijcken goeden soe waer die gelegen moegen sijn ende hem vander doot
sijns vaders aencomen ende verstorven sijn, gelijck dit altesamen voerder ende
breder in verscheijden scepenen brijeven van Tilborch daer op gemaeckt
volcomelijcken begrepen staet, ende heeft geloeft Goeijaert soen Willem Vincks
voers als een principael sculder op hem ende op allen sijn goeden die hij nu
heeft ende naemaels hebben ende vercigen mach nae dese helft vande vijff mudde
roggen jaerlijcken ende erffelijcke pacht voers nu noch nimmermeer tot egenen
toecomende tijden te staen noch te doen staen met eeghender hande recht
gheestelijck noch waerlijck sonder arch ofte list datum v julij scabini Zwijsen
ende Vessem.