Condt sij eenen ijeghelijcken dat gecomen sijn voer ons
scepenen ondergescreven Henrick soen wilner (wijlen) Cornelis Appels ter eender,
ende Cornelis wilner (wijlen) Wouter Jan Wouters ter andere sijde ende hebben
onder hen beijden bij rade van sommighen hunne vrijenden ende maghen een
erffwisselinge ende erffmangelinge gedaen ende gemaeckt van sommighen hunnen
erffgoeden hijer nae beschreven
Overmijdts welcker erffwisselinghen ende
erffmangelinghen wille soe sal Henrick voers hebben houwen ende tot sijnder
erffelijckheijt besitten alle alsulcken vier loepen roggen jaerlijcken ende
erffelijcken pacht als Cornelis voers huijden des dachs heffende ende ... is op
Gherit van Eethen nae inhout scepenen brijeven van Tilborch daer op gemaeckt
volcomelijcken begrepen staet op welcke scepen brijeve voers Cornelis voers
volcomlijcken vertegen heeft tot behoeff Henrick Appels et promisit
Cornelis vercoper voers super se et bona sua (op zich en zijn
goederen) dese voers vier loepen roggen erffpachs voers te waren gelijck
men erffpacht sculdich is te waren ende allen commer aff te doen den selven
Hijer tegen soe sal Cornelis voers hebben houwen ende tot sijnder
erffelijckheijt besitten vier lopen lants ende xviii roeijen vel circiter (of
daar omtrent) begrijpende gelegen inde parochie van Tilborch ter plaetsen
geheijten in die Hasseltsche Acker tussen erffe Jan Gherit Hermans deen sijde
ende tussen erffe die kijnderen Gherit Jan Meeus cum alijs (met anderen), dander
sij hodende metten eenen eijnde aen erffe Willem Jans Veramelfoert, totte erffe
die kijnder Wouter Gerits welck stuck landts voers Henrick voers vercregen ende
gecocht heeft van Jannen soen wilner (wijlen) Jan Jan Nauwen soen gelijck dit in
scepenen brijeven van Tilborch daer op ghemaeckt volcomelijcken begrepen staat
heeft hij wittelijcken ende erffelijcken in manijeren van erffwisselingen
overgegeven ende opgedragen Cornelissen soen wilner (wijlen) Wouter Jan Wouters
simul cum omnibus literis et iure (samen met alle brieven en het recht)
helmelinge daer op vertegen gelijck gewonelijcken ende recht is ende heeft
geloeft Henrick voers super se et bona sua (op zich en zijn goederen) dit
opdragen overgeven affgaen ende vertijen altijt vast ende stendich te houden
ende in sijnen naem te doen houden sonder eenich wederseggen en alle commer van
sijnre ende van Jan Jan Nauwen soen af te doen den selven datum den xxx aprilis
scabini Zwijsen ende Joost.