Cont sij een ijegelijcken want Hanrick Cornelis Appels
soen geloeft had als een principael sculder op hem ende op allen sijn goeden
habita et habenda (hebbende en nog verkrijgende) hem te geven te gelden ende te
betalen Amelis soen Willem Goessens op Onser Lieve Vrouwe dach Lichtmisse den
ierste Onser Lieve Vrouwe dach Lichtmisse nae doot Jacop die weduwe Willem
sBeren twentich Rijnsguldens van twintich stuijver het stuck te betalen alsdan
met een halve mud rogge pacht ende alsulcke gelt ... alsdan erffgelt mede
betalen sal daer om is voor ons scepenen ondergescreven gecomen ende
gecompareert Cornelis soen wilner (wijlen) Peter sBeren ende heeft gheloeft als
een principael sculder daer op hem ende op alle sijn goeden habita et habenda
(hebbende en nog verkrijgende) die voirs twintich Rijnsguldens ende half mud
rogge pachts alsoe als voirs is te gelden ende te betalen datter Hanrick voirs
ende alle sijn goeden aff ongehaude ende ontlast sullen sijn ... dach datum
et scabini ut supra (vi januarij Vet ende Meijnarts).