Gherit soen wilner (wijlen) Jan Reijner soen alsulcken
tocht ende recht van tochten als hij seede te hebben in een stuck erffs eens
deels tot heijen ende eens deels tot weijen liggende sestalff lopensaet off daer
omtrent begrijpende ghelegen inde parochie van Tilborch ter stede gheheijten
aent Creijenven tussen erffenis Gherit Gherit Jan Reijnen soen deen sijde ende
tussen erffenis Jan Peeter Meeus dander sijde streckende vande erffenis Jan
Nauwen totte ghemeijnde straten toe als hij seede heeft hij wittelijck
overghegheven ende opghedragen Gheriden, Reijne, Denissen, Janne, Huijbrechten
sijne wittige kijnder Item ende voorts Claes Hanrixs van Gierl, Ariaen Jan
Mutsaerts, elck als man ende momber sijns wijffs wettige dochteren Gherits voirs
ende heeft ghelooft Gherit Jan Reijnen voirs ut dicebat principalis (zoals hij
zeide als hoofdschuldenaar) dit overgeven opdragen altijt vast ende stendich te
houden ende nimmermeer met ghene recht geestelijck off werlick te spreken op
deese erffenis voirs alle ... sonder arch ende list datum den xi maij scabini
Item die voorgenoemde
kijnderen Gherits voirs ende oock Claes ende Ariaen voirs als man ende momber
hunder huijsvrouwen hebben eendrachtelijck dit voirs stuck erffs wittelijck ende
erffelijck overghegheven ende op ghedragen Daniel soen wilner (wijlen) Jan
Reijnen soen met affgaen ende verthijden als dat behoirlick ende recht is, et
promisit warandiam more solito demp[to (en heeft hij beloofd te waren zoals
gebruikelijk behalve) dat Daniel voirs hier uit gelden ende betalen sal jaerlix
een stuijver off daer omtrent erffchijns aen den ghesworen van Tilborch, ende
een erffwaterlaet te onderhouden die door dit erff voirs gaet ende voorts allen
anderen commer ende calangie hier in wesende altemael aff te doen den selven
datum et scabini ut supra.