Hanrick soen wilner (wijlen) Claes Wouters soen heeft
ghelooft als een principael sculder hem te gelden te gheven ende te betalen
Jacoppen sijnen soen hem ter tochten ende den wittige erffghenamen van Handrick
ghelover voirs ten erve, een mud rogge jaerlix ende erfflix pachts ende alle
jaer te betalen op Onser Lieve Vrouwe dach Lichtmisse waer aff den iersten
betaeldach sal weesen den iersten Vrouwe Lichtmisse dach na der doot Hanricks
voirs ende niet eer uit ende van huijs hoff erffenis ende gront daer aen
liggende ende daer toe behorende also groot ende cleijn als dat aldaer gelegen
is inder parochie van Tilborch ter steeden gheheijten aen die Steene Camer
tussen erffe joffre Margrieta van Haestrecht deen sijde ende deen eijnde ende
tussen erffe Gherit Claes van Ethen dander sijde hodende voor aen die ghemeijnen
straet Item voorts uit ende van allen ende een ijegelijcken sijne erfflike
goeden die hij Hanrick voirs huijden ten dage besittende is als hij seede, ende
heeft hij Handrick voirs ghelooft als een principael sculder super se et bona
sua habita et habenda (en heeft beloofd op zich en zijn goederen) dit voirs
mud rogge erffs te waren alsmen erffpacht sculdich is te waren, ende alle commer
ende calangie daer op comende altemael aff te doen den selven Jacop sijne soen
met voorwaarden toe ghedaen dat soe wanner Jacop voirs afflijvich wordt ende die
mud rogge totten wittigen erffgenamen van Hanrick voirs als voren staet dat dan
die doode hant metter levende deijlen sal in die mud rogge voirs, ende Jacop
voirs sal oock deijlen na doot Hanricks sijns vaders en die goeden van sijne
vader affter gelaten also veele als eenich vande andere kijnderen kijntkijnderen
ghelijck niet tegen staen dit mud rogge dat hij voor uit heeft datum den vii
martij scabini Beris ende Meijnarts.