Reijner zoen wilner (wijlen) Adriaen Reijnkens sijn
gedeelt ende recht in een huijs hoff met sijne gronde ende toebehoerte die heel
stede viii lopensaet vel circiter (of daar omtrent) begrijpende gelegen inde
parochie van Tilborch ter stede geheijten aen die Hasselt tussen erffe Gherit
Jan Reijner Crillaerts zoen deen sijde ende tussen die ghemeijn straet
dander sijde Item hier toe sijn ghedeelt ende recht in een stuck weij velts dat
heel stuck iiii lopensaet vel circiter (of daar omtrent) begrijpende gelegen
inde parochie ende plaets voers tussen erffe Gherit Jan Wouters deen sijde ende
tussen erffe Aert van Riel dander sijde Item hier toe noch sijn ghedeelt ende
recht in een stuck erffs geheijten dat Achterste Ven oostwaert gelegen Item hier
toe noch sijn gedeelt ende recht in een stuck heijvelts gelegen in die Schooten
Item hier toe noch sijn ghedeelt ende recht in een stuck heijvelts gelegen
aenden Ouden Dreijboom welck gedeelte ende rechte voers Reijner voers
eensdeels aencomen ende verstorven sijn van wilner (wijlen) Adriaen sijn vader
ende sommich van wilner (wijlen) Haijwich Reijnen Crillaerts dochter sijn moeije
als hij seede supportavit (heeft overgegeven) Jan Ghijsbrechts zoen van Ghierl
tot behoeff sijn wittige voerkijnderen die hij vercregen heeft bij Eva Adriaen
Reijnen Crillaerts dochter et promisit (en heeft beloofd) commer van sijn weege
aff te doen datum xviii december scabini Beerthen, Berijs anno xii.