Jan ende Sijmon ghebruederen kijnderen wilner (wijlen)
Jans van Son, Cornelis Henric als man ende momboir Elizabeth sijns wijffs voor
hen selven, Gherit Herman Heijsten zoen ut tutore (als
voogd) Aleijt sijns (wijffs) voor hem selve ende voor Sijmon die
Meesmaker ut tutore (als voogd) Engele sijns wijffs daer Gherit
Heijsten voor geloeft heeft ende hebben onder hen een erffdeijlinge gemaeckt
ende gedaen bij rade van vrienden vande goeden wilner (wijlen) Jans van Son
Overmidts welcke erffdeijlinge wille soe sullen Jan, Sijmon ende
Gherit hebben houwe die aude stede huijs hoff metten toebehoerten ghelegen
in die parochie van Tilborch ter plaetschen gheheijten die Hasselt tussen erffe
Jan Daniels een sijde, ende tusschen die ghemeijn straet dander sijde,
streckende vande erffs Elizabeth weduwe Jan Peter Nouwens cum pueris (met haar
kinderen) totter erffs des heer van Tilborch ende Jan van Gestel als sij
seede op welck ghedeelte die anderen volcomen op vertegen hebben simul
cum literis (samen met de brieven) Item die helft in een stuck beempts
gheheijten dat Hoericken tussen erffs ut infra (als onder) Item Gherit sal
hebben alleen een heijvelt aen dat Creijven tussen erffe Haijwich Reijnkens deen
sijde ende Jan Aerts dander sijde
(Hier tegen?) welck erffdeijlinge
wille sal Cornelis voers als man ende momboir van Elizabeth sijns wijffs
hebben eenen acker landts geheijten den Strijacker ghelegen in de Hasseltse
Acker drie lopensaet vel circiter (of daar omtrent) tussen erffe Gherit Jan
Reijnen deen sijde ende tussen Gherit Meeus dander sijde streckende van de erffs
Ghijb Vermee totten ghemeijnen ghebuerwech, Item noch een stuck landts in die
Teetebraeck ghelegen geheijten den Dorenboem v vierdevaet vel circiter (of
daar omtrent) tussen erffs Agnes weduwe Jans Vermee cum pueris (met haar
kinderen) deen sijde ende tussen Adriaen die Bont dander sijde streckende
vande erffs Gherit Jan Wouters totte erffe Jan Adriaen Smolders Item noch die
helft in een stuck beempts gheheijten dat Horrixke ghelegen int Dongens Broeck
tussen erffs ... deen sijde ende tussen erffs de erffgenamen Jans van Son dat
daer tegen deijlt dander sijde streckende vande erffs Jan die Bont met meer
anderen totte erffs Elizabet .... op welck ghedeelte die ander vertegen hebben
patet in literis (zoals blijkt uit de brieven) daer hij uit sal gelden die helft
vande chijns ... uit helen beempt ... is te gelden.