Cont sij enijegelijcken want Henric van Ghierl sijn
tocht ende recht van tocht wege als hij verstorven is in twee stucken erffs
ghelegen in die parochie van Tilborch aen dat Creijven tussen erffe Embrecht
Elen Mutsaerts deen sijde ende tussen erffe IJken Jan Mutsaerts huijsvrouw ende
haer kijnderen dander sijde streckende van de erffe Jans van ... totte ghemeijne
strate toe Item dander ghelegen tussen erffe IJkens voers ende haer kijnderen
deen sijde ende tussen erffe .... dander sijde streckende vande erffe Wouter Jan
Wouters totte erffe Jan Aerts als hij seede hier om sijn gestaen voir ons
scepenen ondergecreven Claus soen Henric voirs Jan Peter Crillaerts ut tutor
(als voogd) Jute sijns wijffs Aleijt Kathelijn ende Marij gesusteren kijnderen
Henric voers cum tutore (met hun voogd) ende hebben die verstorven stucken erffs
overgegeven ende opgedragen Jan Aerts helmelinge daer op vertegen als dat
gewonelijck ende recht is daer hij uit sal gelden een mudde rogge aen de
Taeffele des Heijlige Gheests ende alle andere commer van henne wege aff te doen
date xxi augustus scabini Ael, Beris.